ഇരുതല മൂരി
വെള്ളിമൂങ്ങ
നാലുവരിയാക്കാന്‍
കൂരപൊളിച്ച കുടുംബങ്ങളുടെ
കണ്ണീരിന്റെ ഉപ്പ്
പനിയുടെ പുളിപ്പ്
വില്പനക്കിടയില്‍ പിടിക്കപ്പെട്ട
ഇരകളുടെ മുഴുമുഴുപ്പ്
മിഴിനീര്‍ ഡെസ്ക്കില്‍
വാര്‍ത്തകളുടെ വിരുന്ന്
ഞാനിന്ന് സന്തോഷവാനാണ്.
കത്തിക്കരിഞ്ഞ ശവങ്ങളുടെ
മടിക്കുത്ത് തിരയുന്ന
സാമൂഹ്യപ്രവര്‍ത്തകന്റെ
എക്സ്ക്ലൂസീവ്
കണ്ണൂരില്‍നിന്ന് തല പോയ
ഒരുടല്‍ കൊച്ചിക്കായലില്‍
ഉടലില്ലാത്ത ഒരു തല
ന്യൂസ്@ഡിന്നര്‍ വിഭവസമൃദ്ധം.
അഭയാര്‍ഥികള്‍ക്ക് അപ്പവുമായി പോയ
കപ്പല്‍ വിഴുങ്ങിയ തിമിംഗലത്തിന്റെ
ലൈവ്
ജോഹന്നസ്ബര്‍ഗില്‍ നിന്നുള്ള
ഷക്കീരയുടെ ഉന്മാദ നടനങ്ങള്‍ക്കൊത്ത്
മലപ്പുറത്തിന്റെ ആരവം
ഞാനിന്ന് സന്തോഷവാനാണ്
ഇനി സ്പോണ്‍സറുടെ
അപ്രൂവല്‍ മാത്രം മതി.
ജയ് ഹോാാാാാ...
ജയ് ഹോാാാാ....
ഇതാ ആ വിളിയുമെത്തി
ഒഴിഞ്ഞ ആമാശയത്തിനും
നാണപ്പന്‍ ചേട്ടന്റെ വിളക്കണയാറായ
തട്ടുകടയ്ക്കുമിടയില്‍
ഇനി അരമണിക്കൂറിന്റെ ദൂരം മാത്രം
സര്‍
വിമാനദുരന്ത ദൃശ്യങ്ങളില്‍
എയര്‍ഹോസ്റ്റസിന്റെ ശരീരം കാണാത്തതിനാല്‍
സ്പോണ്‍സര്‍ പിന്മാറുന്നു
ഗായത്രീ
കത്തിക്കരിഞ്ഞ ആ അസ്ഥികൂടത്തിന്
ഒരടിക്കുറിപ്പെഴുതൂ:
നിങ്ങള്‍ കണ്ടുകൊണ്ടിരിക്കുന്ന
ഈ സാധനം മണിക്കൂറുകള്‍ക്ക് മുമ്പ്
സകല ലിംഗങ്ങളെയും 90 ഡിഗ്രി വരെ
ഉദ്ധരിപ്പിച്ച ഒരു മദാലസയായിരുന്നു
*
താജ് ദേശാഭിമാനി വാരിക 08 മേയ് 2011
( ഐ.വി.ദാസ് സ്മാരക കവിതാമത്സരത്തിലേക്ക് തെരഞ്ഞെടുക്കപ്പെട്ട കവിത)
Subscribe to:
Post Comments (Atom)
Posts
1 comment:
ഞാനിന്ന് സന്തോഷവാനാണ്
ഇനി സ്പോണ്‍സറുടെ
അപ്രൂവല്‍ മാത്രം മതി.
ജയ് ഹോാാാാാ...
ജയ് ഹോാാാാ....
Post a Comment